انت مش فاهم حاجة.. عمر كمال عبدالواحد يكشف أسرار أزمته مع الحسين عموتة

رياضة 2026-09-05 03:14:15

x

تحدث عمر كمال عبد الواحد، لاعب النادي الأهلي السابق عن كواليس مشادته مع الحسين عموتة مدرب الأهلي بسبب ألوان القميص الخاص بالتدريب، مؤكدًا أن رد الفعل الذي تعرض له كان مفاجئًا له، وأن الواقعة جعلته يكتشف بعض الأمور التي لم يكن يتخيلها.

كواليس مشادة عمر كمال عبدالواحد مع الحسين عموتة مدرب الأهلي

وقال عمر كمال في تصريحات عبر برنامج "الكابتن"، مع الصقر أحمد حسن، المذاع على قناة dmc: "أنا خلصت إعارتي من سيراميكا ووصلت رسالة على الجروب إن كل اللاعبين هترجع في يوم محدد".

وتابع: "رجعت واتقال لنا إن الحسين عموتة عايز 30 لعيب يشوفهم في الملعب، وهيستقر على مين يكمل ومين لا، واتمرنت أول أسبوع وثاني أسبوع حصل موقف أثبت لي حاجات ما كنتش أتخيلها".

المشكلة مع الكابتن الحسين عموتة كانت بسبب لون القميص الموف

وأكمل: "اتمرنت وكان فيه تقسيمة كانت فيها 3 فرق، الكابتن هشام المدرب العام قال لي هتلبس قميص "موف"، وحسين عموتة قاله فيه فريق أخضر ناقص، فقالوا الثلاث فرق من جديد، واسمي اتقال في الفرقة اللي مش معايا، يعني لبست قميص مش مع فريقي، فأخبرت الكابتن أن الكابتن هشام قال لي هتلبس "موف" فبيراجع قال لي أنت مش لابس أخضر ليه؟ ولقيت رد فعل مش طبيعي بطريقة مش متخيلها في حياتي".

انت مش دريان بنفسك انت مش عارف حاجة ولا فاهم حاجة

وأضاف: "الحسين عموتة قال لي أنت مش دريان بنفسك أنت مش عارف حاجة ولا فاهم حاجة، قلت له يا كابتن.. قاطع كلامي وقال لي: "هششش اسكت اسكت" أنت مش عارف حاجة".

واختتم عمر كمال حديثه قائلًا: "أنا مش بعرف أتطاول وقلت له ما تتكلمش معايا كده واديته ضهري ومشيت والمدرب العام مشي ورايا وطول التمرين مش شايف والكابتن هشام اتأسف وفضل يومين يقول لي: ما تزعلش حقك عليَّ، والموضوع عدى وانتهى".