طارق يحيى: 70 يومًا من المناقشات الفاضية وراء تأخر الإعداد للموسم والإصابات متوقعة
قال طارق يحيى، نجم نادي الزمالك السابق، إن الجهاز الفني للفريق بقيادة معتمد جمال يحتاج إلى الدعم، مشيرًا إلى أن الظروف الحالية لا تسمح بالحكم على المدرب بشكل قاطع.
معتمد جمال يحتاج إلى الدعم والظروف الحالية لا تسمح بالحكم على المدرب
وقال يحيى، في تصريحات تلفزيونية: «لو فيه خلاف مع المدير، تقعد 70 يوم في مناقشات فاضية ووقت ضاع على الفاضي، كان لابد من اجتماع بعد الفوز بالدوري بأسبوع، أنت أصلًا معندكش قيد واتأخرت في فترة الإعداد، وإحنا كمسؤولين بنساهم في مشاكل النادي».
وأضاف: «شوفنا أيام سودة مع جون إدوارد، واللي عمله الزمالك ولمّ اللاعيبة كابتن معتمد ونجح معاه، ليه بتدور على مدرب أجنبي؟».
اللعيبة لعبت بالمخزون البدني اللي موجود ومع الوقت الإصابات هتزيد
وتابع: «أداء الزمالك في المباراة السابقة كان متوقع، ولقب الدوري الموسم الماضي يُحسب لمعتمد جمال».
وأوضح: «اللاعيبة لعبت بالمخزون البدني اللي موجود، ومع الوقت هتلاقي الإصابات كتير، لأن مكنش فيه فترة إعداد».
وقال: «أنا مشفتش كده، معتمد كتر خيره، أنت لو جبت مين مش هيعرف يعمل حاجة في الوقت القصير، وفي لاعيبة لسه مجتش، وبانزا جاي من الطيارة على الملعب، والزمالك أصلًا مجاش».
الحل لازم معتمد يشتغل بدني والمحلل يشتغل جامد وجمهور الزمالك واعي
وشدد يحيى على ضرورة العمل البدني، قائلًا: «الحل لازم معتمد يشتغل بدني، والمحلل البدني يشتغل جامد جدًا، والسوشيال بتضغط جامد، بس جمهور الزمالك واعي».
وأضاف: «الجمهور هو السبب إن الزمالك ياخد الدوري، وربنا يعدي الفترة دي على خير، عشان البدني واقع واللاعيبة معندهاش بدني».
وطالب جماهير الزمالك بمساندة الجهاز الفني، قائلًا: «لازم نساند معتمد، ومعتمد شال الزمالك، واللاعيبة اللي لعبت شالوا الزمالك، ولاده وناسه ونجومه».
موضوعات ذات صلة
