الفنان محمد يوسف بطل صحاب الأرض يعلن طبيعة إصابته وتأثر مظهره
أعلن الفنان محمد يوسف الشهير بـ"أوزو"، والذي يشارك في بطولة مسلسل "صحاب الأرض" المنافس في الموسم الرمضاني الجاري، طبيعة إصابة ظهره، نتيجة مرض مناعي، وذلك بعد كثرة التعليقات حول شكل ظهره وطريقة سيره.
طبيعة إصابة محمد يوسف بطل مسلسل "صحاب الأرض"
وكتب محمد يوسف عبر حسابه على موقع "فيسبوك": "بسم الله الرحمن الرحيم، اسمى محمد يوسف محمد شرف، والشهرة أوزو.. باشوف تعليقات كتير على موضوع ضهرى، والله بصوا ياجماعة أنا فعليا من النوعية اللي مبحبش الصعبانيات ولا عمرى حبيت أكسب تعاطف الناس والجو الرخيص دا.. وكتير من الناس غير القريبين منى ميعرفش موضوع المرض اللى عندى".
وكشف أوزو: "أنا عندى مرض مناعى نادر اسمه ankylosing spondylitis التهاب الفقرات التصلبى، وملوش علاج وكل اللى أقدر أعمله آخد العلاج البيولوجي بتاعى، عشان يبقى الحال على ما هو عليه، وحتى حاولت أروح لدكتور متخصص عشان أعمل عملية تجميل، ومن كتر ما هو دكتور مشغول راح معايا دكتور أشرف ذكى ودخلتله بعد ٨ ساعات انتظار فى العيادة والباشا كشف وقالى تعالى بعد سنة".
العملية تحتاج من 4 إلى 6 شهور حتى أعود إلى طبيعتي
وتابع: "مع العلم إن العملية دى هتحتاج من ٤ لـ٦ شهور بعدها عشان أرجع طبيعى.. طب السؤال هنا، هل أنا مش عاوز أعملها؟ لأ عاوز أعملها بس أكيد مع دكتور مهتم بحالتى مش بيشوف جدوله فاضى امتى، هل مش مسببالى تعب؟ أنا من كتر الألم المخ بطل يبعت إشارات بالألم، طب هل أنا مابسعاش إنى أحسن دا؟ لما ربنا بيكرم بروح أعمل علاج طبيعى مانيوال وعلاج مائى.. وبالمناسبة العلاج الطبيعى المانيوال دا عذاب".
واختتم: "فطبعا أنا آسف لو حضرتك مش عاجبك مشيتى أو شكل ضهرى بس والله دا مش هعرف أعمل حاجة فيه، لحد ما ربنا يأذن، آسف للإطالة بس وجب التوضيح، ورغم كل دا الحمد لله رب العالمين على كل حال".
موضوعات ذات صلة
