شقيق شيرين عبدالوهاب: 90 من كل ما كتب عنها غير صحيح وفيه ناس بتاجر بيها
أعلن محمد شقيق شيرين عبد الوهاب، عن كواليس وضع شقيقته شيرين عبد الوهاب، حيث كتب عبر حسابه بموقع فيس بوك، "اقسم بالله العظيم 90% من الأخبار مغلوطة وغير صحيحة تماما والناس اللي بتاجر بيها في البرامج والمداخلات، محدش ساعد غير اتنين أحمد سعد وزينة بس ومحمود الليثي كان كل يوم عندها".
90% من الأخبار عن شيرين مغلوطة وغير صحيحة والناس بتاجر بيها في البرامج
وأضاف محمد عبد الوهاب شقيق شيرين عبد الوهاب: "أحنا بقي بعيد ليه عشان اللي انته شايفينه ده حياتها عبارة عن حرب احنا لما تدخلنا في سنة 2022 من اربع سنين اتقال علينا ايه اننا نهبناها ومستفدين وناس وحشين طيب ماشي نجحوا انهم يبوظوا علاجها، وبعد أربع سنين ناس تانيه غيرنا أهم فنانين ومعروفين وملهمش مصلحة اللي بيدور معاهم جابوا كل تاريخهم القديم ودول كذا وكذا وإزاي دول اللي يعالجوها مين بقي اللي ليه مصلحة يطلع يشوه الناس دي زي ما شوهنا من قبلهم واللي طالع يقول مش صح انها تروح بيت صحبها كله بيتاجر عرفت منين حضرتك أنها راحت عندها ومتاكد أوى".
زينة عدت عليها يوم قالتلها أنا حاسة أني تعبانه أخدتها للمستشفى
وأضاف محمد عبد الوهاب: زينة عدت عليها يوم قالتلها أنا حاسه اني تعبانه قلتلها المستشفي أهي قريبه يلا بينا راحت واطمنت عليها وهما هناك الدكاتره طلبت منظار خدت بينج وماكنتش قادرة تركب العربية خدوها بسيارة إسعاف لحد بيتها دي كل الحكاية.
الناس دي زعلانة دلوقتي عشان مش عايزين حد يعرف أي حاجه
وأضاف: الصحافيين بقي عرفوا ازاي عشان بيجندو ممرضين في معظم المستشفيات.. تشوف حد مشهور عرفني بس وليك الحلاوة بس وكله بقي كتب وألف علي مزاجه، ليه بقي تحديدا الاتنين دول واقفين جمبها بجد عشان دول عشرة العمر نعرف بعض من قبل ما حد فيهم يبقي معروف من زمان عشره وستر وغطا وحاجات كتير أوى أي حد تاني بقي كله بيتاجر بيها الناس دي بقي دلوقتي هتزعل مني جدا عشان مكنوش عايزين حد يعرف أي حاجة عشان ميتفهموش غلط".
موضوعات ذات صلة
