ركز في شغلك ووفر نصايحك.. احمد حسن يرد على هجوم شوبير عليه وعلى عصام الحضري
بعث أحمد حسن نجم منتخب مصر السابق برسالة نارية إلى الإعلامي أحمد شوبير، بسبب انتقاد الأخير له وزميله الحارس الدولي عصام الحضري.
وكتب أحمد حسن الصقر على حسابه الشخصي على “فيسبوك” ردًّا ناريًّا على أحمد شوبير جاء مضمونه كالتالي:
لو كانت النصيحة صادقة ولوجه الله أكيد نتقبلها ونشكرك كمان
قال أحمد حسن في رسالته إلى أحمد شوبير: "الكابتن شوبير طالع يدينا نصيحة على الهواء وردي هيكون هنا على الهواء.. لو حابب تتطوع بنصيحة فأكيد رقم تليفوني معاك وكمان أرقام السادة المحترمين في اتحاد الكرة المصري ولو كانت النصيحة صادقة ولوجه الله أكيد نتقبلها ونشكرك كمان.. لكن طالما الكلام على الهواء فالرد هيكون على شوبير هنا على الهواء".
أعمل مديرًا لمنتخب مصر المشارك في البطولة العربية
وأضاف: “لمعلوماتك أنا أعمل مديرًا لمنتخب مصر المشارك في البطولة العربية (بتكليف ومتطوعًا دون أجر) في محاولة لرد جزء للمكان الذي صنع اسمي وتاريخي كلاعب أنهى مسيرته بلقب عميد لاعبي العالم أما بالنسبة لقصة هزاري أنا وعصام الحضري في القصة دي فهو أمر معتاد من سنين والجميع يراه ويشاهده ولم نراك يا كابتن يا كبير يوما تنصح أو تعترض ولكن طبعًا كلنا فاهمين دفاعك بقوة واستماتة واعتراضك ليه!!”.
ركز في شغلك أنت بس ووفر نصايحك لحاجة تانية
وتابع: "كابتن اهدا شوية ونصيحتي ليك ركز في شغلك انت بس ووفر نصايحك لحاجة تانية علشان الموضوع مش مستحمل فتن وخناقات جديدة وكفاية اللي بنشوفه وبيحصل كل يوم وأنت سيد العارفين".
موضوعات ذات صلة
