حذفها بعد النشر.. رسالة لوم وعتاب من زيزو لمن يسبوه ويتنمرون عليه
كتب أحمد سيد زيزو، رسالة مثيرة ولاذعة من اللوم والعتاب لمن يقومون بإلقاء اللوم عليه وتجريحه بالشتائم.
الرسالة كانت في الإغلب موجهة إلى جماهير الزمالك
ويرى بعض الجماهير أن زيزو وجه هذه الرسالة إلى جماهير نادي الزمالك، خاصة بعد قيام اللاعب باتخاذ قرار مغادرة الزمالك واللعب لنادي الأهلي، قبل أن يقوم بحذفها.
رزقك كده كده ربنا كاتبه لك وأنت اللي بتختار الطريقة
وقال أحمد زيزو لمن يسبونه أو يجرحونه بالشتائم: "فكر كويس عشان والله ما في حاجه مستاهله، اعرف أن رزقك كده كده ربنا كاتبه لك وأنت بتختار الطريقة اللي بيجيلك بيها الرزق فخليها دايما طريقة کویسة".
وأضاف أحمد سيد زيزو في تدوينة له عبر قصة في موقع التواصل الاجتماعي إنستجرام: "السؤال الوحيد والأوحد اللي مش عايز يطلع من دماغي ونفسي ألاقي لي إجابة! هو بجد لما حد يخوض في عرض الناس ويقعد يشتم فيهم ويسب ويتنمر، ودا بيعود ولا بيرجع عليه بإيه!".
طيب بيبص تحت بيته بيلاقي العربية اللي نفسه فيها يجيبها؟
وأكمل زيزو: "هل بيروح البيت بيلاقي بيته اتغير، طيب بيبص تحت بيته بيلاقي العربية اللي نفسه يجيبها؟ طيب ولاده وصلوا للمكانة اللي بيتمناها؟ طيب عيش أبوه وأمه في حاجه يستحقوها!"
وعلق زيزو قائلًا: “مش قادر أستوعب فعلا الموضوع، بلاش أنت، هل اللي بتخوض في عرضه دا وبتشتمه وتتنمر عليه بيصحى بعد شتيمتك دي مش شغال نفس الشغلانة؟ معندوش نفس البيت؟ طب والعربية؟ حياتكو يعني اتغيرت؟ الاجابة لا!!”.
عمال تكبر وتكثر في ذنوب الله أعلم هترف تمسحهم ولا لأ
وتابع زيزو: "طيب ليه بتعمل كده، عمال تكبر وتكثر في ذنوب الله أعلم هتعرف تمسحهم ولا لأ ومفيش حاجه على أرض الواقع بتتغير بعد الشتيمه دي كلها!! مش بتشوف كل الناس اللي فجاءه مبقوش حواليك؟
واختتم زيزو رسالته لمن يلقون عليه اللوم والتجريح، فقال: "دي مش حاجه تخليك تتعظ! تخليك تفكر أنا بعمل كده ليه وعشان ايه! فكر كويس عشان والله ما في حاجه مستاهلة، اعرف أن رزقك كده كده ربنا كاتبه لك وأنت بتختار الطريقة اللي بيجيلك بيها الرزق فخليها دايما طريقة کویسة وافتکر دايما إنها مش دايمه، صباحكم جميل".
موضوعات ذات صلة
