تفاصيل خناقة أيمن بهجت قمر ومحمد صلاح العزب على ألبوم عمرو دياب الجديد
انتقد المؤلف محمد صلاح العزب، ألبوم عمرو دياب الجديد بعنوان «ابتدينا» الذي طرحه أمس الخميس، وتصدر منصات التواصل الاجتماعي منذ الساعات الأولى لإطلاقه.
وأوضح أن كلمات الأغاني لا تحمل أي معانٍ مهمة أو قيمة، مما أثار خلافا كلاميا بينه وبين الشاعر الغنائي أيمن بهجت قمر دفعه للتعليق والرد على ماكتبه العزب.
سيبك من الألحان والتوزيع والموسيقى والطبل والزمر
وكتب محمد صلاح العزب عبر حسابه الرسمي «فيسبوك»: «سيبك من الألحان والتوزيع والموسيقى والطبل والزمر والهيصة وعمرو دياب والتريند وفرحة الصيف وأنا مهما كبرت صغير.. وادخل على اليوتيوب هتلاقي تحت كل أغنية مكتوب كلماتها، اقعد اقرا الكلام ده كده راجل لراجل، من غير دوشة وغلوشة».
عصارة آلاف السنين من الشعر العربي والغنائي
وأضاف: «المفروض إن اللي مكتوب ده هو زبدة الزبد، وعصارة آلاف السنين من الشعر العربي والغنائي، والخلاصة المصفّاة لتجارب الحب والشوق والألم والخذلان واللهفة والجنون والمجون واللوعة واليلاهوي سابتني ومشيت أو يا فرحتي رجعت لي وحنت، وعصير خبرات وأدمغة وتاريخ طويل جدا من الشعر والغنا مع أكبر وأغلى مطرب بيغني بالعربي على مدار التاريخ، خير يا جماعة، انتو بتقولوا إيه؟ بلاش نصعبها ونكبرها ونفخمها وتاريخ وجغرافيا ونعلي السقف، حاول تطلع منها أي صور أو تراكيب أو حتى إحساس؟».
إحساس حلو حتى لو مزيف بس ملفوف ف ورق ملون
واختتم العزب: «مش مفروض يكون فيه جملة تعلم حتي طلعت غصب عن اللي كاتبها؟ إحساس حلو حتى لو مزيف بس ملفوف في ورق ملون شكله شيك؟ لحظة مراوغة اتقفشت بالصدفة قبل ما تزوغ؟ زلة لسان عبقرية طلعت بالغلط؟ يا عم أي حاجة تيجي من ريحة الحبايب.. مش كده».
ليرد عليه الشاعر الغنائي أيمن بهجت قمر، عبر خاصية التعليقات قائلًا: «احنا بنشوف برضه مسلسلات ملل وبتتذاع وبتتنسي وبنسكت وبنحترم زمايلنا برغم تكرار أعمالهم، اعتقد محتاج تركز في شغلك قبل ماتنظر على ناس بتتعب ومقدمة أعمال محترمة».
محتاج تركز في شغلك قبل ما تنظر على ناس مقدمة أعمال محترمة
وأضاف أيمن بهجت قمر في تعليقه على ماكتبه محمد صلاح العزب: «احنا بنسكت على أعمال سطحية وبنحترم زمايلنا وبنراعي تعبهم فالمفروض المعاملة بالمثل بس براحتك انت وذوقك مع زمايلك، وبجد بشوف لعزب مسلسلات ساذجة جدا ومكررة وبحترم زمالته وده عهدي بزمايلي بصراحة«.
موضوعات ذات صلة
