تامر عاشور: أنا شرقي جدًا مع لبس مراتي.. وهى بتراقب تليفوني
أكد المطرب تامر عاشور على أنه رجل شرقي مع زوجته الإعلامية نانسي نور، لكن هي في بيتها ملتزمة ناحية المواعيد خاصة أنها مذيعة أخبار.
أنا شرقي جدًا في اللبس ومراتي بتغير عليا من الستات
وأضاف خلال الجزء الثاني من لقائه ببرنامج "صاحبة السعادة" الذي تقدمه الفنانة إسعاد يونس بقناة "دي إم سي": "أنا شرقي جدًا في اللبس، ونانسي مراتي بتغير عليا من الستات ولو حصل أشكال متهورة زي التلامس هي بتضايق".
وتابع تامر عاشور: "مراتي رافضة ومانعة التلامس بالنسبة لي ناحية الستات، وهي معندهاش قصة مراقبة انستجرام بتاعي بس ساعات أبقى ماسك الموبايل ألاقيها بتراقبني وعينيها على موبايلي لحد لما ركبت بروتكشن على الشاشة".
مراتي مبتطبخش بس هي نفسها تتعلم
ولفت: "نانسي مراتي مبتطبخش بس هي نفسها تتعلم، وأنا باكل من خلال الطباخ، هي متميزة جدًا بتعرف تعمل فتوش خاصة في شهر رمضان".
وأشار: "نانسي مراتي كانت خايفة مني جدًا في أول الزواج من قصة أطلع شخص شرقي بشكل معقد، ولما اتجوزنا وقعدنا مع بعض لقتني شخص آخر غير اللى كانت خايفة منه، أنا شايف إنها إنسانة تنزل وتعيش حياتها مع أصحابها وتروح شغلها".
موضوعات ذات صلة
