ردًا على مروجي إشاعات وفاتها.. ليلى طاهر: هما مستعجلين عليا ليه؟

عبرت الفنانة ليلى طاهر عن حزنها على شائعة وفاتها التي انتشرت خلال الساعات الماضية عبر العديد من مواقع التواصل الاجتماعي.

"مش هنلاقي حد يعزي لما تحصل بجد"

وقالت ليلى طاهر “أنا اسفة للناس على الأخبار الغريبة اللي بتنزل دي، ومش عارفة هما مستعجلين عليا ليه؟، ويوم ما تحصل الوفاة محدش هيصدقهم، ومش هنلاقي حد يعزي ساعتها”.

وتابعت ليلى طاهر "أحب أقول لأصحاب الشائعات لما يجي اليوم الموعود محدش هيصدقكم وبلاش شائعات وغيابي عن الأضواء مش مبرر لشائعة الوفاة لأن الناس بتسعى للتريند دايمًا لما يشوفوا فنانة مختفية وفجأة ظهرت يقوموا متكلمين عنها وعن مظهرها والناس اللي بتعمل كدا مش عندهم معلومة عايزين يستغلوا اسم الفنانين".

حالة عادلة إمام الصحية وتعليق شقيقة عصام

من جهة أخرى، كشف عصام إمام شقيق الفنان عادل إمام حقيقة شائعة تدهور حالة الزعيم الصحية خلال الساعات الماضية ودخوله أحد المستشفيات، وفقا لـ "تليجراف مصر".

وقال شقيق الزعيم عادل إمام في تصريحات خاصة لـ“تليجراف مصر”: “الزعيم عادل إمام بخير الحمد لله ويا ريت الناس تهدى شوية هو عايش حياته مع أحفاده وبيلعب معهم وزي الفل”.

تطورات الحالة الصحية لعادل إمام

وتابع: “عادل إمام مش مسافر بره مصر ولا حاجة، وأنا مش فاهم الناس بتقول ليه كدا الموضوع بقى حاجة صعبة، والراجل زي الفل وتمام التمام”.

وأضاف: "اختفاء الزعيم عن الناس وعن الأضواء والسوشيال ميديا مش مبرر للشائعات ومش فاهم الناس عايزة إيه وبقول لكل أحبابه اطمنوا هو بخير".