سيد عبدالحفيظ منتقدً: أنا كأهلاوي محتاج أعرف مارحتش الماتش ليه؟
أعرب سيد عبدالحفيظ، مدير الكرة السابق بالنادي الأهلي، عن شعوره بالاستياء بسبب عدم خوض مباراة القمة أمام الزمالك.
أنا كأهلاوي محتاج توضيح.. ماروحناش الماتش ليه؟
وقال عبدالحفيظ في تصريحات تلفزيونية: أنا برضه كأهلاوي، كنت محتاج توضيح من الأهلي مروحناش الماتش ليه واتخصم مني 3 نقاط ليه، كنا محتاجين توضيح القرار اللي أنا أخذته صح يبقى أنا اتعاقبت ليه؟ مش موضوع بقى نقسم البلد نصين، أنا أخسر كورة مفيش مشكلة ولو ليا حق أخذه".
لا اتحمل خسارة نقطة واحدة لأني "ملعبتش"
وأضاف عبد الحفيظ: "طيب مين خصمه لي النقاط؟ الرابطة ولا اتحاد الكورة ولا الأهلي مكنش على حق؟ أنا كسيد عبدالحفيظ الصراحة مش مستحمل فكرة إني خسرت نقطة واحدة عشان ملعبتش".
لابد من المحافظة على الأرقام التاريخية
وأكد عبد الحفيظ رفضه فكرة خصم النقاط إذا كان الأهلي على حق، مشيرًا إلى أهمية الأرقام التاريخية في مباريات الديربي، قائلًا:" مش قابل أن خصم مني نقطة لو أنا على حق، في أرقام تاريخية مع المنافس لازم تركز عليها، أنا ليا 12 سنة بكسب الزمالك، الموسم الحالي ما حصلتش، يا جماعة ده ديربي، كل ما تعلى الأرقام معاه تفرق تسويقيًا".
موضوعات ذات صلة
